فضيحة سي نيكسون
علي حسب ما جاء في جريدة الكرامة ان امن مصر العظيم بيتجسس علي الاخوة
المرشحين المحتملين للرئاسة المصرية. امثال السيد البرادعي وايمن نور وعمرو موسي.
اذ صحت هذة الاخبار.يقال اننا بصدد فضيحة علي غرار فضيحة سي نيكسون بتاع
مسرحية المتزوجون.طيب يا جماعة مصر كلها عارفة ان الامن بيتجسس علي كل شيء في البلد.
السيد وزير الداخلية قالها بصراحة وبالفم المليان. اللي خايف ميتكلمش.في اكتر من كده صراحة.
فضيحة ايه اللي جايين يتكلمو عنها.ده لو محصلش كده انا حاروح اتقدم ببلاغ ضد
وزارة الداخلية. لانها كذبت علي المواطنين .وانه مفيش مساواة في التجسس بين المواطن العادي وبين المرشح
للرئاسة.اشمعني احنا اللي نتراقب والمرشح للرئاسة لا يراقب.المساواة في الظلم عدل عند البعض.
الناس فاكرة ان امن البلاد ممكن يبقي سايب لكل من هب ودب.لا يا شاطر اعرف انت بتكلم مين.
بمناسبة بتكلم مين. احد المسئولين قال. ان حد قالك متعرفش انت بتكلم مين .قوله اعرف
بكلم ابن …….بس انا انصح مفيش حد يقول كده.لان اللي بيقول كده. يأما الباشا نفسه.
او حد بيقول للباشا كده.وطبع بيكون اكبر من الباشا.مهو بلدنا ماشية بالكوسة ده كلامك في سرك. الكبير فيها
كبير.والصغير ابن كل حاجة نفسك فيها.احنا لازم نبوس ايدينا وش وظهر وشعر.
علي رأي عمنا الشاعر الكبير اللمبي.في بلاد تانية ممنوع الكلام فيها من المنبع.
احنا عندنا من حقك تتكلم .ومن حق الامن يراقبك. وانت ادري بمصلحتك.
يعني لو شايف نفسك حبتين. ممكن ترجع مواطن صالح من تاني.متخفش.
يعني متظنش ان نشوفية الدماغ اللي عندك. مرض زي الاستبحس.ملهوش علاج لأ.
كل مرض وله علاج عند امننا القومي.الكلام اللي بتشنع بيه جرائد المعارضة
علي الداخلية. ملهوش اساس من الصحة.العملية مش فضيحة ولا حاجة.دي اجراءات امنية ضرورية.
يعني يرضيك مثلا ان البرادعي يبقي رئيس ولا حد يعرف عنه حاجة.
جاه منين ولا رايح فين.يعني بلد لاقاها وبقي رئيس فيها كده.دي لو عزبة ميحصلش فيها كده.بزمتك
ده كلام يرضي حد.المفروض ان الامن بيتجسس علي البرادعي علشان يعرف
اصله وفصله وايه حكايته.طيب لو جيت الطوبة في المعطوبة. وبقي البرادعي رئيس مصر.
لو قمت من النوم ولاقيت البرادعي الريس بتاعك.وانت متعرفش له اصل من فصل.
يبقي ايه شعورك بقه ساعتها.الامن خايف علي شعورك انت اولا واخير.
انا بناشد كل مواطن صالح عنده معلومة قيمة عن البرادعي يوصلها للامن.
ونبقي كده بنساعد الامن علي مهمته.واكيد كل ده حينكتب في تقريرك السنوي.كله بثوابه يا مواطن.
يعني انت متخيل ان فضيحة سي نيكسون علشان كان بيتجسس علي خصومه.
يجوز. بس الفضيحة سببها ان سي نيكسون عرضو عليه انه يعين في الامن القومي وزير داخلية مصري.
ورفض.وطبعا مفيش حد قال للشعب الامريكي الشقيق اللي خايف ميتكلمش.
قوم الشعب الامريكي افتكر ان سي نيكسون بيتجسس علي خصومه في الرياسة.وده كله اشاعة
مغرضة بعيدة عن الصحة.وبيان وزارة الداخلية المصري ساعتها اكد الكلام ده بالتفصيل.
وبعد كده تلاقي حد بيقول ان الامن بيتجسس علي البرادعي وايمن نور.يا ظلمة الامن.ده الامن
المصري خايف علي شعورك وشعوري وشعور الشعب كله.يا ظلمة يا بتوع المعارضة.
.
علي حسب ما جاء في جريدة الكرامة ان امن مصر العظيم بيتجسس علي الاخوة
المرشحين المحتملين للرئاسة المصرية. امثال السيد البرادعي وايمن نور وعمرو موسي.
اذ صحت هذة الاخبار.يقال اننا بصدد فضيحة علي غرار فضيحة سي نيكسون بتاع
مسرحية المتزوجون.طيب يا جماعة مصر كلها عارفة ان الامن بيتجسس علي كل شيء في البلد.
السيد وزير الداخلية قالها بصراحة وبالفم المليان. اللي خايف ميتكلمش.في اكتر من كده صراحة.
فضيحة ايه اللي جايين يتكلمو عنها.ده لو محصلش كده انا حاروح اتقدم ببلاغ ضد
وزارة الداخلية. لانها كذبت علي المواطنين .وانه مفيش مساواة في التجسس بين المواطن العادي وبين المرشح
للرئاسة.اشمعني احنا اللي نتراقب والمرشح للرئاسة لا يراقب.المساواة في الظلم عدل عند البعض.
الناس فاكرة ان امن البلاد ممكن يبقي سايب لكل من هب ودب.لا يا شاطر اعرف انت بتكلم مين.
بمناسبة بتكلم مين. احد المسئولين قال. ان حد قالك متعرفش انت بتكلم مين .قوله اعرف
بكلم ابن …….بس انا انصح مفيش حد يقول كده.لان اللي بيقول كده. يأما الباشا نفسه.
او حد بيقول للباشا كده.وطبع بيكون اكبر من الباشا.مهو بلدنا ماشية بالكوسة ده كلامك في سرك. الكبير فيها
كبير.والصغير ابن كل حاجة نفسك فيها.احنا لازم نبوس ايدينا وش وظهر وشعر.
علي رأي عمنا الشاعر الكبير اللمبي.في بلاد تانية ممنوع الكلام فيها من المنبع.
احنا عندنا من حقك تتكلم .ومن حق الامن يراقبك. وانت ادري بمصلحتك.
يعني لو شايف نفسك حبتين. ممكن ترجع مواطن صالح من تاني.متخفش.
يعني متظنش ان نشوفية الدماغ اللي عندك. مرض زي الاستبحس.ملهوش علاج لأ.
كل مرض وله علاج عند امننا القومي.الكلام اللي بتشنع بيه جرائد المعارضة
علي الداخلية. ملهوش اساس من الصحة.العملية مش فضيحة ولا حاجة.دي اجراءات امنية ضرورية.
يعني يرضيك مثلا ان البرادعي يبقي رئيس ولا حد يعرف عنه حاجة.
جاه منين ولا رايح فين.يعني بلد لاقاها وبقي رئيس فيها كده.دي لو عزبة ميحصلش فيها كده.بزمتك
ده كلام يرضي حد.المفروض ان الامن بيتجسس علي البرادعي علشان يعرف
اصله وفصله وايه حكايته.طيب لو جيت الطوبة في المعطوبة. وبقي البرادعي رئيس مصر.
لو قمت من النوم ولاقيت البرادعي الريس بتاعك.وانت متعرفش له اصل من فصل.
يبقي ايه شعورك بقه ساعتها.الامن خايف علي شعورك انت اولا واخير.
انا بناشد كل مواطن صالح عنده معلومة قيمة عن البرادعي يوصلها للامن.
ونبقي كده بنساعد الامن علي مهمته.واكيد كل ده حينكتب في تقريرك السنوي.كله بثوابه يا مواطن.
يعني انت متخيل ان فضيحة سي نيكسون علشان كان بيتجسس علي خصومه.
يجوز. بس الفضيحة سببها ان سي نيكسون عرضو عليه انه يعين في الامن القومي وزير داخلية مصري.
ورفض.وطبعا مفيش حد قال للشعب الامريكي الشقيق اللي خايف ميتكلمش.
قوم الشعب الامريكي افتكر ان سي نيكسون بيتجسس علي خصومه في الرياسة.وده كله اشاعة
مغرضة بعيدة عن الصحة.وبيان وزارة الداخلية المصري ساعتها اكد الكلام ده بالتفصيل.
وبعد كده تلاقي حد بيقول ان الامن بيتجسس علي البرادعي وايمن نور.يا ظلمة الامن.ده الامن
المصري خايف علي شعورك وشعوري وشعور الشعب كله.يا ظلمة يا بتوع المعارضة.
.
ليست هناك تعليقات:
إرسال تعليق